İraq parlamenti: Fələstinə dəstəyimiz davam edəcək

İraq parlamentinin rəisi Fələstinlilərin Bəhreyn iqtisadi konfransını boykot etməsini alqışlayaraq deyib: İraqın siyasi və iqtisadi vəziyyətinin yaxşılaşması Fələstinin də güclənməsinə səbəb olacaq.

İQNA-nın (Beynəlxalq Quran Xəbər Agentliyi) verdiyi xəbərə görə, Fələstinin Ramallahda yerləşən dövlətin baş naziri Məhəmməd Əştiyə İyul ayının 16-da İraqa səfər edib.

Fələstin dövlətinin baş naziri Məhəmməd Əştiyə bu səfər çərçivəsində İraqın parlament rəisi Məhəmməd Həlbusi ilə Bağdadda görüşüb.

Tərəflər bu görüşdə Fələstinin son durumunu, İraqda yaşayan Fələstinlilərin vəziyyətinin yaxşılaşdırılmasını və onlara vətənlərinə dönüncəyədək himayə olunması məsələsini müzakirə ediblər.

Fələstinin baş naziri Məhəmməd Əştiyə Fələstin xalqının hüquqlarını bölgədə və beynəlxalq səviyyədə müdafiə etdiyi üçün İraq dövlətinə öz təşəkkürünü bildirib.

İraq parlamentinin rəisi Məhəmməd Həlbusi Fələstinlilərin Bəhreyn iqtisadi konfransını boykot etməsini alqışlayaraq vurğulayıb ki, İraqın siyasi və iqtisadi vəziyyətinin yaxşılaşması Fələstinin də güclənməsinə səbəb olacaq.

O vurğulayıb: İraq dövləti Fələstin dövləti və xalqına dəstəyini həmişə davam etdirəcək.     

http://iqna.ir/fa/news/3827565