اسلامی ایران د ایټمي خبرو په باب د اروپائي اتحادئې پیکیج ته خپل ځواب ورکړ
ایکنا خبری آژانس د پارس ټوډې له قوله راپور راکړ،په ویانا کې د ایران، اروپا او امریکې تر مینځ د ایټمي خبرو اترو تر وروستي پړاو وروسته اکثره هیوادونه د مذاکراتو د پایلې او د موافقې غوښتونکي دي، خو دمپګړي موافقه د ځینو مهمو موضوعاتو په اړه د امریکې د پریکړې لپاره معطله ده.
په وروستیو ورځو کې اروپایي اتحادیه د موافقې دسهولت د رامینځ ته کولو په موخه په ویانا کې یوه مسوده وړاندې کړې ده.
د ایران اسلامي جمهوریت هم د دغه وړاندې شوې مسودې په هکله اروپایي اتحادیې ته ځواب ویلي، د ایران د مذاکراتي ټیم د غړو د دریځونو څخه داسي ښکاري چي په دریو موضوعاتو باندې اختلافات لاهم روان دي، چي په دوو موضوعاتو کې امریکا په شفاهي توګه نرمښت ښودلې ده چي باید د مسودې په متن کې په لیکلي ډول راوستل شي.
دریمه اختلافي مساله د برجام په ایټمي موافقې باندې په راتلونکې کې د امریکې د حکومت ژمن پاتې کېدل دی، چي په دې زمینه کې امریکا باید د ایران مثبت نظر جلب کړي.
تیره ورځ د ایران د ملی امنیت په شورا کې په دې زمینه کې بحث وشو او د ایران دریځ په لیکلي بڼه اروپایي اتحادیې وسپارل شو،
د ایران د مذاکراتي ټیم سلاکار محمد مرندي په خپلل ټوییټر کې ولیکل: ایران خپلې اندېښنې شریکې کړي دي، لیکن د پاته مسالو حل ستونزمن نه ښکاري
هغه د دې په بیانولو چي د لوېدیځوالو خلافورزیو ته په کتو سره، ایران اندېښمن دی، زیاته کړه: د موافقې د تر لاسه کېدو په هکله څه نه شم ویلای، خو دې ټولو سره سره، موافقې ته په بې سارې توګه نژدې شوي یو.
