طالبان کا افغانستان میں عیدالاضحیٰ پر 3 روزہ جنگ بندی کا اعلان
تہران(ایکنا) طالبان نے افغانستان میں عیدالاضحیٰ پر تین روزہ جنگ بندی کا اعلان کرتے ہوئے حملے روکنے کا اعلان کردیا۔
افغان طالبان کی جانب سے جاری اعلامیے میں عید قرباں کے 3 روز کے دوران اپنے جنگجوؤں کو افغان سیکیورٹی اہلکاروں پر حملے نہ کرنے کی ہدایت کی گئی ہے۔
طالبان کی جانب سے کہا گیا ہے کہ ان ایام میں اگر مخالف فریق کی جانب سے حملہ کیا جاتا ہے تو منہ توڑ جواب دیا جائے گا۔
خیال رہے کہ گزشتہ دنوں ہی افغان طالبان نے عید الاضحیٰ کے بعد بعد بین الافغان مذاکرات میں شرکت کے لیے مشروط آمادگی ظاہر کی تھی۔
دو روز قبل ہی افغان طالبان نے افغان فوج اور پولیس سے تعلق رکھنے والے مزید 37 اہلکاروں کو رہا کیا تھا۔
نظرات بینندگان
