Shekh Al Hadi wa Tanzania: Umoja wa Waislamu unahitajika kuzuia njama za maadui
Akizungumza na IQNA pambizoni mwa Kongamano la 37 la Kimataifa la Umoja wa Kiislamu, Sheikh Salim Al Hadi Mussa al Naqshbandi amesema mifarakano na migongano itadhoofisha ulimwengu wa Kiislamu, hivyo ni muhimu Waislamu waelekee katika kuimarisha umoja ili kuwazuia maadui kupenya safu zao na kutekeleza njama zao. .
Amebainisha kuwa kufikia umoja wa Kiislamu si jambo jepesi bali inawahitaji Waislamu kujitahidi sana.
Kukuza ukaribu kati ya madhehebu za Kiislamu ni hatua muhimu katika mwelekeo huo, mwanazuoni huyo alisema.
Amebaini kuwa, kuwepo kwa tofauti kati ya Waislamu kuwa ni jambo la kimaumbile lakini akasisitiza kuwa tofauti hizo zisiruhusiwe kugeuka kuwa sababu za mfarakano.
Qur’ani Tukufu inawataka Waislamu washikamane, alisema, akirejea Aya ya 103 ya Surah Al Imran: “Na shikamaneni nyote kwa Kamba ya Mwenyezi Mungu, wala msifarikiane baina yenu.”
Sheikh Salim Al Hadi Mussa aliendelea kuelezea Kongamano la Umoja wa Kiislamu kuwa ni hatua yenye mafanikio yenye lengo la kuimarisha umoja na kusema kufanyika kwa matukio hayo ni kwa maslahi ya Umma wa Kiislamu.
Pia alipongeza wazo lililopendekezwa na Rais wa Iran Ebrahim Raisi kuhusu kuundwa kwa umoja wa mataifa ya Kiislamu na kusema wazo hilo linapaswa kuendelezwa na kujadiliwa zaidi.
Alipoulizwa kuhusu vitendo vya kuivunjia heshima Qur'ani Tukufu hivi karibuni katika nchi za Magharibi, msomi huyo wa Tanzania alitaja vitendo hivyo vya kufuru kuwa ni vya kudharauliwa na kusema wafuasi wa dini zote lazima waheshimu matakatifu ya wenzao.
Ili hilo lifanyike, kuna haja ya wafuasi wa dini mbalimbali kujifunza zaidi kuhusu wenzao, aliongeza.
Maadui wa Uislamu wako nyuma ya vitendo hivyo vya kudhalilisha kwa vile wanauchukia Uislamu na Waislamu, alisisitiza pia.
Kwingineko katika mahojiano hayo, Sheikh Salim Al Hadi Mussa alielezea wasiwasi wake kuhusu hali ya Palestina na ukiukaji wa utawala wa Kizayuni wa haki za Palestina, akisema Waislamu lazima wachukue uungaji mkono kwa suala la Palestina na al-Quds kwa uzito mkubwa.
Mkutano wa 37 wa Kimataifa wa Umoja wa Kiislamu, uliofanyika ana kwa ana na mtandaoni, ulizinduliwa Tehran siku ya Jumapili.
Zaidi ya wasomi 200 wa Iran na nchi za nje na shakhsia wa kidini kutoka nchi mbalimbali za Kiislamu wanashiriki katika mkutano huo ambao umeandaliwa na Jumuiya ya Kimataifa ya Kukurubisha Madhehebu za Kiislamu ambao ulimalizika Oktoba 3.
Kongamano hilo hufanyika kila mwaka wakati wa Wiki ya Umoja wa Kiislamu.
Siku ya 17 ya Rabi al-Awwal, ambayo inaangukia Oktoba 3 mwaka huu, inaaminika na Waislamu wa madhehebu ya Shia kuwa ni siku ya kuzaliwa kwa Mtume Mohammad (SAW), wakati Waislamu wa Sunni wanaichukulia siku ya 12 ya mwezi (Septemba 28) kama siku ya kuzaliwa. kwa nabii huyo wa mwisho.
Muda kati ya tarehe hizo mbili huadhimishwa kila mwaka kama Wiki ya Umoja wa Kiislamu.
Hayati Mwanzilishi wa Jamhuri ya Kiislamu ya Iran Imam Khomeini (RA) alitangaza maadhimisho hayo kuwa Wiki ya Umoja wa Kiislamu mnamo 1980.
4172994
