Kamfanin dillancin labaran iqna ya habarta cewa, ya nakalto daga shafin sadarwa na yanar gizo na hubbaren Alawi cewa, haramin Imam Ali (AS) da ke birnin Najaf ya samu halartar miliyoyin maziyarta da suka fito daga sassa daban-daban na kasar Iraki da sauran kasashe daban-daban zuwa wannan wuri mai albarka a dare na biyu na lailatul kadari tare da shahadar wannan Imami mai daraja.
Masu ziyara a hubbaren a daren shahadar Imam Ali (a.s) sun gudanar da ibada da juyayin shahadarsa.
Dangane da haka, masu aikin sa kai kimanin 2,000 sun hada karfi da karfe don samar da yanayi na tsaro, da kuma raba abinci ga masu ziyara.
Har ila yau, tare da hadin gwiwa da hukumomin tsaro da lafiya da na kananan hukumomi na Najaf, hukumar kula da haramin Imam Ali (AS) ta yi kokari na musamman wajen yi wa maziyarta hidima ta fuskar karbar baki da sufuri.